అమరగాయకుడు హేమంత్ కుమార్

రేఖాచిత్రం వెంకటప్పారావుగారి టపా ఇప్పుడే చూసి అర్జెంటుగా మూడొచ్చేసి రాసేస్తున్న మినీ టపా ఇది :)


ఉస్తాద్ ఫైయజ్ ఆలి ఖాన్ శిష్యుడు, సంగీతకారుడు శైలేష్ దత్తాగుప్తాకి ఆప్తుడైన హేమంత్ కుమార్ ముఖోపాధ్యాయ తరువాత కాలంలో ఒక ప్రసిధ్ధగాయకునిగా, సంగీత దర్శకునిగా సంగీతాభిమానులపై ఒక చెరగని ముద్ర వేశారు. మొట్టమొదటి పాట 1933 లో ఆకాశవాణికి పాడినా, తన మొట్టమొదటి ఆల్బం కోసం 1937 దాకా ఆగవలసి వచ్చింది. ఆ రోజుల్లో ఆయన సినీమాలకు పాడివాటికన్నా ప్రైవేటుగా పాడిన పాటలే ఎక్కువ.

మరో నాలుగేళ్ళ తరువాత, అంటే మొదటి పాట పాడిన 8 సంవత్సరాల తరవాత (ఆ రోజుల్లో పాపం ఇండియన్ ఐడల్, సరెగమ లేవు కదా, ఇలా పాడగానే అలా సినీమా చాన్సు వచ్చెయ్యడానికి) ఒక బెంగాలీ సినీమా ద్వారా ఆయన చలన చిత్ర రంగ ప్రవేశం చెయ్యడం జరిగింది. ఆ తరవాత మరో సంగీత దర్శకుడైన సలీల్ చౌదరి ( అదే నండీ, మధుమతి సినీమాలో "దిల్ తడప్ తడప్ కే" అనబడే కాపీ పాటని మనకి అందించినాయన - హీ హీ ఊరికే అన్నాలేండి, ఆ పాట కాపీ కొట్ట్నా ఆయన మంచి సంగీత దర్శకుడే) తో కలిసి ఒక రంగస్థల సంఘాన్ని కూడ స్థాపించారు. 1952 లో ఆనందమఠ్ అనే చిత్రం ద్వారా సంగీత దర్శకత్వానికి నాంది పలికారు. ఆ చిత్రంలో లతా మంగేష్కర్ పాడిన "వందేమాతర" గీతాన్ని ఇప్పటికి కూడా ఎవరూ మర్చిపోలేదు.

సచిందా - సచిన్ దేవ్ బర్మన్ - దర్శకత్వంలో దేవానంద్ కోసం ఆయిన పాడిన పాటలు "యే రాత్ యే చాంద్నీ ఫిర్ కహా(", "హై అప్నా దిల్ తో ఆవారా"లాంటిగీతాలు ఇప్పటికి కూడ జనాల గుండెల్లో, పెదవులపై పదిలంగానే ఉన్నాయి. అలాగే గురుదత్ కోసం పాడిన "జానె వో కైసే లోగ్ థె" పాట ఒక సారి విన్నవాళ్ళు మళ్ళీ మర్చిపోగలరా?

1954 లో ఆయన సంగీత దర్శకత్వం వహించిన "నాగిన్" చిత్రం సంచలనాన్ని సృష్టించడమే కాక ఆయనకి ఉత్తమ సంగీత దఋసకుని ఎవార్డ్ కూడ తెచ్చిపెట్టింది. నాలాంటి ప్రతీ కీబోర్డు వాయిద్యగాడూ జీవితంలో ఎప్పుడో ఒకసారి "మన్ డోలే మెర తన్ డోలే" పాటని ప్రేక్టీస్ చేసే ఉంటాడు. ఇప్పటీకి కూడా ఆ పాటని వివిధ సంగీత దర్శకులు కాపీ / రీమిక్స్ చేస్తూనే ఉన్నారు.

ఆ తరవత వెంకటప్పారావు గారు చెప్పినట్టు బీస్ సాల్, బాద్, కొహ్రా, ఖామోషి చిత్రాలలో ఆయన పాడిన పాటలు సూపర్ హిట్ అయ్యాయి. అలాగే బెంగాలీలో కూడా ఆయన తనదైన ఒక ప్రత్యేక శైలిని, ముద్రని శ్రోతలకందించారు.

బాలీవుడ్ లో ఆయనది ఎప్పటికీ ఒక ప్రత్యేక స్థానమే.


ఆయన పాటలు కొన్ని మీకోసం ఇక్కడ


1. హై అప్నా దిల్








2. హై అప్నా దిల్ (విషాదం) - ఈ పాట చాలా మంది విని ఉండరు










Original film video here:


http://www.youtube.com/watch?v=JHJ4oeUagXU







3. యే రాత్ యే చాంద్నీ





Original film video here


http://www.youtube.com/watch?v=dBw_JSiNF9c





4. యాద్ కియా దిల్ నే కహా( హో తుం




5. జానే వో కైసే లోగ్ థే




6. తుం పుకార్ లో




7. యె నయన్ డరే డరే







8. బేకరార్ కర్కే హమే(






9. మన్ డోలే మెర తన్ డోలే









10. వందే మాతరం - Dont miss this

మాలికలో రసజ్ఞ బ్లాగ్ ఎందుకు లేదు?

మాలికకి ముఖ్యంగా మూడు నియమాలున్నాయి ఈ నియమాలు పాటించని తెలుగు బ్లాగులు/తెలుగు వెబ్ సైట్ లు మాలికలో కనబడవు.


http://maalika.org/add_your_telugu_blog_to_maalika.php


1) బ్లాగు తప్పకుండా తెలుగులోనే రాయాలి
2) అశ్లీల, అసభ్య వ్రాతలు వ్రాయకూడదు. "పెద్దలకు మాత్రమే" బ్లాగులకు మాలికలో స్థానం లేదు (Extreme, explicit sexual content and "adults only" blogs are not allowed in Maalika).
3) వేరే బ్లాగుల నుండి, వెబ్ సైట్ల నుండి అరువు తెచ్చుకున్న కాపీ రాతలు ఉండకూడదు. (No plagiarism)

రసజ్ఞ బ్లాగు విషయానికి వస్తే ఆ బ్లాగుకి "ఎడల్ట్స్ ఒన్లీ" టేగ్ ఉంది కాబట్టీ అది మాలికకి జత చెయ్యడం కుదరదు (#2). "ఎడల్ట్స్ ఒన్లీ" టేగ్ లేని బ్లాగులని కలపడానికి మాలికకేమీ అభ్యంతరం లేదు. టేగ్ లేకుండా ఏ చెత్తయినా రాసుకోవచ్చా అంటే మీ ఇష్టం. మీరు రాసుకునే దానికి మాలికకి ఎటువంటి సంబంధం లేదు.

కానీ ఎడల్ట్ టేగ్ లేకుండా ఉన్న బ్లాగుల మీద ఎవరైనా గూగుల్ కి మళ్ళీ కంప్లెయిన్ చేసి మళ్ళీ ఆ టేగ్ తగిలిస్తే మళ్ళి దాన్ని తీసెయ్యాల్సి ఉంటుంది.

హీరోకన్నా ఎక్కువ పేరు తెచ్చుకున్న అతిథి నటుడు? - Post updated with my choice

ఒక ప్రముఖ హీరో నటించిన సినిమాలో నటించి, ఆ నటించిన కొద్దిసేపట్లోనే హీరోకన్నా ఎక్కువ పేరు తెచ్చుకున్న అతిథి నటుడొకరిని ఉదహరించగలరా?

To put the question in the other words

మీ అభిమాన లేదా మీ దృష్టిలో అత్యంత ప్రాచుర్యమైన అతిథి నటి/నటుడి పాత్ర ఏది?


*****************************************************************







UPDATE:



చాలా మంది చాలా పేర్లు చెప్పారు. అన్నీ సరైనవే. ( May be not Malakpet Rowdy, Sarat, Kagada and Ongolu Sreenu .. hehehe)


నా దృష్టిలో అయితే ఒక అతిథి పాత్రలో పది నిముషాల కన్నా తక్కువ నటించి ఆ పది నిమిషాల వల్లే ఆ సినీమా హిట్ అయ్యేలా చేసింది - "అందాజ్ (1971)" సినీమాలో రాజేష్ ఖన్నా. అసలా సినిమా హీరో షమ్మీ కపూరని చాలా మందికి అప్పట్లో తెలియదు. రాజేష్ ఖన్నా, అతనెక్కిన బుల్లెట్, ఆ "జిందగీ ఎక్ సఫర్ హై సుహానా" సృష్టించిన ప్రభంజనంలో పాపం స్టార్ నటుడైన షమ్మీ కపూరే కొట్టుకుపోక తప్పలేదు. దేశంలో మోటార్ సైకిళ్ళ మార్కెట్ కూడా ఒక్కసారిగా ఊపందుకుంది.

అన్నట్టు ఈ సినీమా, శంకర్ జైకిషన్ జైకిషన్ జోడీకి ఆఖరిది (ఇది విడుదలైన కొన్నాళ్లకి జైకిషన్ మరణించారు). షమ్మీ కపూర్ కి హీరో గా ఆఖరి హిట్.








"Zindagi ek safar" song for you:



Kishore Kumar's version:







Mohd. Rafi's version:





Asha Bhonsle's version:





Whose version do you like the best?

.
.
.
.

ఈ ఫోటో ప్రత్యేకత ఏంటి?

ఫోకస్ కూడా సరిగ్గాలేని ఈ ఫోటో ప్రత్యేకత ఏమిటో చెప్పగలరా?



Scroll down if you cant ...

.....................................................................
.........................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................
.
.
.
.
.
.
.
.
.
.
.
.
.
.
.
.
.
.
.
.

అది వినాయక చవితినాటిది :))

తిట్టుకుంటున్నారా?

విషయమేమిటంటే నేనొక్కడినే ఎందుకు బలవ్వాలన్న్న కుళ్ళు అంతే :))

........................
........................
........................
........................

YSR వర్ధంతి వేడుకలా?

నాకు ఆంగ్లం గానీ, తెలుగు గానీ - ఏ భాష మీదా అంత పట్టు లేదు, అందుకే ఈ చొప్పదంటు ప్రశ్న.

గత కొద్ది రోజులుగా బ్లాగుల్లో, బయటా నాకు ప్రముఖంగా కనిపిస్తున్న ప్రకటన - " YSR వర్ధంతి వేడుకలు", Celebrating YSR vardhanti గట్రా. నరకాసురుడు చచ్చిన రోజు దీపావళి జరుపుకుంటున్నట్టు YSR శత్రువులెవరైనా ఇది చేస్తున్నారా అనిపించింది. కాని వీటిని నిర్వహిస్తోంది YSR అభిమానులని తెలిసి నాలుక కరచుకున్నా.

ఇంతకీ ఇది వారి భాషతో సమస్యా లేక నా బుఱ్ఱ .. సోరీ, మోకాటితో సమస్యా? I do understand that celebration refers to ceremony, but I thought it always pointed to the happier side.

?