హలో, ఐ లవ్ యూ, బై బై బై!

కాస్త సీరియస్ కెలుకుడు - ఊరిచివర పుస్తకం.net :)

తెలుగు సాహిత్యకారుల్లో, కవుల్లో గ్రూపులు తెగలు ఉన్నాయని ఎప్పటినించో తెలిసినా అవేస్థాయిలో ఉన్నాయో ఒక ఆరేడేళ్ళ క్రితం తెలిసింది. తెలుగుపీపుల్ డాట్ కాం సైట్లో నేను ఇలాంటి వివాదంలో వేలుపెట్టి విశ్వ,కే. గారికీ, కాళనాధభట్ల వీరభద్రశాస్త్రిగారికీ మధ్య జరిగిన గొడవలో ఇరుక్కుని, పాపం మిత్రులు కడప రఘోత్తమరావు, కొండముది సాయికిరణ్ కుమార్ గార్లని అనుకోకుండా బలిపశువుల్ని చేసిన సంఘటన ఇంకా గుర్తుంది. అప్పటినుండీ అలాంటి గొడవలకి సాధ్యమైనంతవరకూ దూరంగా ఉంటూ వచ్చా. కానీ ఇప్పుడు జరుగుతున్న ఊరిచివర గోల చూస్తూంటే ఎందుకో చేతులు మళ్ళీ దురదపెడుతున్నాయి. అందుకే ఈ టపా.

సరే- ఇక విషయంలోకి వస్తే,

అఫ్సర్, భూషణ్ గార్ల మధ్య ప్రస్తుతానికి అమేరికా - ఇరాక్ .. కాదు కాదు భారత్ - పాకిస్తాన్ .. అబ్బే, జగన్ - సోనియా .. ఛీ ఛీ .. సమరసింహారెడ్డి - వీరరాఘవరెడ్డి స్థాయిలో గొడవ జరుగుతోంది -అఫ్సర్ గారు విడుదల చేసిన "ఊరిచివర" పుస్తకం మీద. ఈ గొడవ వేణుగోపాల్ గారు వ్రాసిన ముందుమాటతో మొదలయ్యింది. అది చినికి చినికి గాలివానై ఇప్పుడు భూషణ్ గారి విమర్శతో తుఫానుగా మారింది - అయితే ప్రస్తుతానికి రెండవ నెంబరు ప్రమాదసూచిక దగ్గరే ఉందిలెండి. అఫ్సర్ గారి కవితలు అస్సలు బాలేవు, కొన్ని పదాలని మళ్ళీ మళ్ళీ వాడారు అని భూషణ్ గారి మరియు వారి గ్రూపు సభ్యుల అభిప్రాయం. "ఠాఠ్! మీరు అఫ్సర్ పై వ్యక్తిగత ద్వేషంతో విషం చిమ్ముతున్నారు. మీ కవితలకన్నా అఫ్సర్ గారివి చాలా బాగుంటాయం"టూ అఫ్సర్ గారి గుంపు సభ్యులు ఒంటికాలిమీద లేస్తున్నారు. వీళ్ళిద్దరి మధ్యలో "నల్ల ఇరుక్కు" అంటూ "బాగా ఇరుక్కున్నది" పాపం పుస్తకం సైటు, దానిని నడిపేవారు. "కరవమంటే కప్పకీ, విడవమంటే పాముకీ" (వెళ్లమంటే మెక్ కెయిన్ కీ, ఉండమంటే ఒబామాకీ అని కూడ అనుకోవచ్చు) అన్న చందాన సాగుతున్న గొడవలో పాపం ఆ ఇద్దరమ్మాయిలూ ఏమి చెయ్యాలో తెలియక కామెంట్లని ఆపేశారు. దెబ్బతో రెండువైపులనుండీ వాళ్ళకి "జింతాతా జితా చితా" :))

సరే, ఇప్పుడు కెలుకుడు విషయం ఏమిటంటే "ఊరి చివర" మీద భూషణ్ గారి విమర్శ మరీ కటువుగా, కర్కశంగా ఉందా లేక ముక్కుసూటి విమర్శని అఫ్సర్ గారి అభిమానులు అపార్థం చేసుకుంటున్నారా? "ఇది మంచి కవిత - ఇది కాదు" అని విమర్శకులు నిర్ణయించినట్టే "ఇది మంచి విమర్శ - ఇది కాదు" అని నిర్ణయించే అధికారం విమర్శింపబడినవారికి ఉందా?


చూస్తారేం? కామెంట్ బాక్స్ ఇక మీదే :))

మాలికలో రెండు లేక మూడు పక్క పక్క శీర్షికలని కలిపి చదివితే? :))

• చలికి చర్మం వడలినట్టుగా ఉండి దురదగా అనిపిస్తే పట్టుచీరలను ఉతికేటప్పుడు రామేశ్వరం వెళ్ళినా శనీశ్వరం తప్పదన్న మాట

• మీ పళ్లబుట్టలో ఐశ్వర్యారాయ్ రిలాక్స్ కోసం పడుకుంటున్న సదా!


• బ్లాగ్ టెక్నికల్ వర్డ్స్ - రాముడు కాదు కాముడు

• నిస్సహాయ స్థితిలో "పాక్" ప్రభుత్వం - తెలుగు వారికి ఓ అరుదైన కానుక...


• నాన్నగారు ఫైర్ఫాక్స్ లో తెలుగులో టైప్ చెయ్యడానికి ఇండిక్ ఇన్పుట్ ఎక్స్టెన్షన్

• వల్లభనేని వంశీ... ఎదుగుతున్న(?) ఒక యువ నాయకుడు అమరావతి వెళ్ళొచ్చా

• పీకల్లోతు ప్రేమలో ప్రియాంక సమస్యా పూరణం - 190 (అమృతపానమ్ము)


• శోకించే మేఘం - ములక్కాడ పిండి కూర

• Raj News Coming Soon To USA - 2011లో బ్లాగ్లోకం అజెండా కూడా ఇదే అయితే సూపర్

• ‘హైటెక్కు బాబయ్య’ యే కన్ను పొడుచుకుంటాడో - ఏ నిముషంలో ప్రాణం పోతుందో ...?