ఆడ vs మగ గణాంకాలా? సరే ఓ లుక్కేసుకుందాం రండి!

బొందలపాటిగారి బ్లాగులో చర్చ చూశాక దీన్ని బరకాలనిపించింది. ఓపికుంటే చదవండి :)

చర్చలో నన్నాకట్టుకున్న విషయం - గణాంకాలు. 65,000 కేసులున్నాయి కాబట్టి దానిలో అత్యధికశాతం సరి అయినవే అని రాజుగారు తేల్చేశారు, మిగిలిన వివరాలు చెప్పకుండానే.

సరే, దీన్ని మరో కోణంలోంచి చూద్దాం. 498 ఏ అందరికీ తెలిసిందే కదా. నెట్లో దొరికిన గణాంకాల ప్రకారం ప్రతీ వంద కేసుల్లో కేవలం 2 నుండి 4 శాతం దోషులవుతున్నారు. అంటే 95% శాతం దుర్వినియోగం అవుతున్నట్టేకదా? 498 ఏ మీద 2005 సంవత్సరం గణాంకాలు ఇలా ఉన్నాయి.

* లక్షా ముప్ఫై అయిదు వేలమందిని అరెస్టు చేశారు
* అయిదువేల ఏడువందలమందికి శిక్షలు పడ్డాయి

95% దుర్వినియోగం! ఈ చట్ట ప్రస్తుత బాధితులు అరవైలక్షలమందికి పైమాటే.


ఇది దుర్వినియోగమవుతోందని సాక్షాత్తూ సుప్రీంకోర్టే గగ్గోలుపెడుతోంది. మరి ఈ గణాంకాల గురించి ఏమంటారు?


(నువ్వు ఇచ్చిన గణాంకాలు మేము నమ్మం, కాని మేము ఇచ్చిన గణాంకాలు నువ్వు నమ్మాలి అనరనే ఆశిస్తున్నా!)



కనుక సోదరస్సోదరీమణులారా, అమ్మలారా, అయ్యలారా (మైక్ టెస్టింగ్)

నే సెప్పేదేటంటే,

ఈ విషయంలో ఆడలేడీస్ అందరూ  సీతాదేవులూ  కారూ, మగజెంట్స్ అందరూ శ్రీరామచంద్రులూ కారు.

దొందూ దొందే! వెధవ పనులు చేసేవాళ్ళు లింగభేదం లేకుండానే చేస్తున్నారు. కాని తప్పు అవతలవాళ్ల మీదకి నెట్టెయ్యటంలో అందరికన్నా ముందు మన ఫెమినిష్టులున్నారు. ముస్లిం టెఱ్ఱరిష్టులని చూపించి బీజేపీ, అదే బీజేపీని చూపించి మజ్లీస్, ధనికులని చూపించి, వాళ్లపై ద్వేషాన్ని రగిలించి కమ్యూనిష్టులు పొట్టగడుపుకుంటున్నట్టే, ఈ ఫెమినిష్టులు కూడా - సంబంధ బాంధవ్యాలు సరిగ్గా ఉంటే వారి పబ్బం గడవదు గనక - స్త్రీ, పురుషుల మధ్య చీలిక తేవటమే వారికి బ్రతుకుతెరువు :) 

ఇక మధ్యతరగతి విషయానికి వస్తే, అటు కోడల్ని హింసించే అత్తా బాగానే ఉంటుంది, ఇటు అత్తని వేధించే కోడలూ  బాగానే ఉంటుంది. మధ్యలో బలయ్యేది మాత్రం ఆ ఇద్దరిమధ్యా నలిగే కొడుకు cum భర్త :(