12, అక్టోబర్ 2017, గురువారం

కపిత్వం!

నన్ను నేనే మఱచాను
ఎవరికీ అందనంత ఎత్తులో...
గాల్లో తేలుతున్న క్షణంలో ...
గమ్యం చేరాలన్న తపనలో ...
.
నా కళ్ళు గమ్యాన్నే చూస్తున్నాయి
దాన్నందుకోలేనేమొనన్న భయంతో...
అందుకోకున్న మరణం తథ్యమనే తలపుతో...
ప్రపంచాన్ని పట్టించుకోని వైఖరితో...
నేలనసలు తాకకూడదన్న పట్టుదలతో...
.
.
.
ఒక భవనం పన్నెండో అంతస్తునుండి
మరొక భవనం పదకొండో అంతస్తుమీదకు
దూకుతున్న నేను  వచ్చిపడ్డాను...
ఉన్నట్టుండి మళ్ళీ ఈ లోకంలోకి...
 గ్రహించాను నేనెవర్నో...
"అమ్మో! కోతి!!" అనే చిన్నపిల్లల అరుపులతో!!
.

10 వ్యాఖ్యలు:


  1. అయ్యయ్యో !

    మలక్ పేట రౌడీ బ్లాగు లోకానికి
    మళ్ళీ వస్తున్నారంటే యిక పటాలం
    మొత్తం మళ్ళీ పంచ దశలోకం లో
    స్వైర విహారానికి వస్తుందా :)


    వెల్కం కిచ కిచ


    చీర్స్
    జిలేబి

    ప్రత్యుత్తరంతొలగించు


  2. మా లక్కు పేట రౌడీ
    చాలా నాళ్ళ తరువాయి‌ ఝంపాకంబై
    కోలాహలముగ వచ్చెను
    బేల! పటాలంబఖిలము వెంటదగులునో :)

    జిలేబి

    ప్రత్యుత్తరంతొలగించు
  3. నేనులేని టైము చూసి మీరు విలన్ అయిపోయినట్టున్నారుగా జిలేబీ సారూ! :)

    ప్రత్యుత్తరంతొలగించు
  4. మీరేనా జిలేబిగారు కలవరించే ‘మా లాక్కు పేట రౌడీ ‘ గారు :) మీరు వచ్చిన దగ్గరనుంచీ జిలేబి గారి ఆనందం పట్టలేకపోతున్నాము!! జిలేబి గారికోసమైనా మీరు బ్లాగు వ్రాస్తుండండి. ఒకసారి పాత బ్లాగరు కూడా ఎవరో మీరు నిజంగా రౌడీ అనుకుని భయపడ్డట్లు వారి పోస్టు లో ఎక్కడో వ్రాసారు :) . ఆవిడ పేరు గుర్తులేదు.

    ప్రత్యుత్తరంతొలగించు